ოპოზიციაში ხელოვნურად დაგვიტოვეს ისეთი ძალა, რომელიც მძიმე წარსულით იყო დატვირთული. ეს ჩვენს ქვეყანას დღემდე ტოვებს ე.წ. პოლარიზაციის, ანუ რადიკალიზმის ჩაკეტილ წრეში, - განაცხადა „ქართული ოცნების“ თავმჯდომარემ, ირაკლი კობახიძემ „იმედის კვირასთან“ ექსკლუზიურ ინტერვიუში.
„რეალურად, 2012 წლის შემდეგ სერიოზული დაბრკოლებები იყო. პირველ რიგში, ეს დაბრკოლება იყო ის, რომ ოპოზიციაში ხელოვნურად დაგვიტოვეს ისეთი ძალა, რომელიც მძიმე წარსულით იყო დატვირთული. რა თქმა უნდა, ეს ჩვენს ქვეყანას დღემდე ტოვებს ე.წ. პოლარიზაციის, ანუ რადიკალიზმის ჩაკეტილ წრეში, რაც ხელშემშლელი ფაქტორია და თამამად ვიტყვი, ეს არის გარედან თავს მოხვეული მდგომარეობა. ე.წ. კოჰაბიტაცია და პოლარიზაცია სამწუხაროდ, არის გარედან თავს მოხვეული მდგომარეობა. თავს მოხვეულია იმ ძალების მხრიდან, რომელიც სამწუხაროდ, ჩვენი ქვეყნის მიმართ კეთილგანწყობილი არ არიან“, - განაცხადა ირაკლი კობახიძემ.
