ვაშინგტონის სამიტის დასრულების შემდეგ, უკრაინის პრეზიდენტმა ბრიფინგზე უკრაინის უსაფრთხოების გარანტიებზე ილაპარაკა.
ზელენსკის აზრით, უსაფრთხოების გარანტია უნდა გახდეს ძლიერი ჯარი, ამერიკული იარაღის შეძენა და უკრაინული დრონების წარმოება.
"არ შეიძლება, რომ ჯარი შემცირდეს, იმის გამო, რომ არ გვაქვს დაფინანსება. ასეთი დაფინანსება ჩვენ არ გვექნება, ფიზიკურად ვერ გვექნება ბიუჯეტში და გვჭირდება დამატებითი ფინანსები". - თქვა უკრაინის პრეზიდენტმა, ვოლოდიმირ ზელენსკიმ,
გარდა ამისა, ზელენსკის თქმით, უსაფრთხოების კიდევ ერთი გარანტია უნდა გახდეს შეთანხმება, რომლის მიხედვითაც კიევი აშშ-სგან ევროპის დახმარებით $100 მილიარდის ღირებულების იარაღს შეიძენს. საუბარია იარაღზე, რომელსაც უკრაინა თავად არ აწარმოებს.
