თურქეთმა NATO-ში ფინეთის წევრობის რატიფიცირების პროცესი დაასრულა

ფინეთის NATO-ში გაწევრიანების რატიფიკაციის შესახებ კანონის ტექსტი, თურქეთის მთავრობის ოფიციალურ გაზეთში, Resmi Gazete-ში გამოქვეყნდა.

"კანონის შესაბამისად დამტკიცდა 2022 წლის 5 ივლისს ბრიუსელში ხელმოწერილი ოქმი ჩრდილოატლანტიკურ ხელშეკრულებასთან ფინეთის რესპუბლიკის მიერთების შესახებ. კანონი ამოქმედდეს Resmi Gazete-ში გამოქვეყნების დღიდან." - წერს სააგენტო.

თურქეთის პარლამენტმა ფინეთის NATO-ში გაწევრიანების ოქმის რატიფიცირება 31 მარტს მოახდინა.

ოფიციალური პროცედურების დასრულების შემდეგ, ფინეთი NATO-ს 31-ე წევრი გახდება.