ჩინეთი აფრიკულ ქვეყნებს საექსპორტო საბაჟო ტარიფებისგან ათავისუფლებს.
„2026 წლის 1 მაისიდან ჩინეთი სრულად დანერგავს ნულოვანი ტარიფის რეჟიმს იმ 53 აფრიკული ქვეყნისთვის, რომლებთანაც მას დიპლომატიური ურთიერთობები აქვს“, - განაცხადა სი ძინპინმა ადის-აბებაში აფრიკის კავშირის 39-ე სამიტზე შეკრებილი აფრიკის სახელმწიფოების მეთაურებისადმი გაგზავნილ მიმართვაში.
მისი თქმით, ეს ნაბიჯი „აფრიკის განვითარებისთვის ახალ შესაძლებლობებს შექმნის“.
ჩინეთის უნივერსალური უბაჟო ვაჭრობის წინადადება ვრცელდება მის ყველა აფრიკელ სავაჭრო პარტნიორზე, გარდა ესვატინისა, რომელიც კონტინენტზე ტაივანის უკანასკნელი დიპლომატიური მოკავშირეა.
აქამდე ჩინეთში უბაჟოდ ექსპორტის პრივილეგია 33 აფრიკულ სახელმწიფოს ჰქონდა. ისეთი ქვეყნები, როგორიცაა კენია, სამხრეთ აფრიკა, ნიგერია, ეგვიპტე და მაროკო, ადრე 25%-მდე ტარიფებს ექვემდებარებოდნენ.
