ურსულა ფონ დერ ლაიენს ევროკომისრების გუნდში გენდერული ბალანსის დაცვა სურს, თუმცა, როგორც ჩანს, ბევრი წევრი ქვეყანა მის დახმარებას არ ცდილობს, - ამბობს დანიის საზოგადოებრივი მაუწყებელი.
გერმანელმა პოლიტიკოსმა ევროკომისიის პრეზიდენტის პოსტზე ხელახლა არჩევიდან რამდენიმე წუთის შემდეგ განაცხადა, რომ ევროკომისართა გუნდში თანაბარი რაოდენობით ქალების და კაცების ხილვა სურდა და ცალკეული წევრი ქვეყნების სახელმწიფოებისა და მთავრობის მეთაურებს სთხოვა დაესახელებინათ როგორც ქალი, ასევე მამაკაცი კანდიდატი, რომელთა შორისაც ის მომავალ კომისარს შეარჩევდა. ერთადერთი გამონაკლისი გათვალისწინებული იყო იმ შემთხვევაში, როდესაც ქვეყანა მოქმედი კომისრის ხელახლა დანიშვნას აპირებდა.
„კიდევ ერთხელ შევეცდები უზრუნველვყო, რომ კომისართა კოლეგიის მაგიდასთან იყოს თანაბარი რაოდენობის კაცები და ქალები“, - თქვა მან სტრასბურგში ხალხმრავალ პრესკონფერენციაზე.
ახლა, სულ რაღაც ერთი თვის შემდეგ, იმის გამო, რომ 27 წევრი ქვეყნიდან თითოეულს თითო ადგილი აქვს კომისრის მაგიდასთან და ქვეყნებმა გენდერული მოთხოვნები უგულებელყვეს, ევროკომისიის ხელახლა არჩეული პრეზიდენტი ურსულა ფონ დერ ლაიენი თავის პირველ დამარცხებას უახლოვდება.
ევროკავშირის წევრი ქვეყნების მიერ წარდგენილი 19 პოლიტიკოსიდან ჯერჯერობით მხოლოდ ექვსია ქალი, - იტყობინება ევროკავშირის მედიასაშუალება Politico. მათ შორის თავად ურსულა ფონ დერ ლაიენი, რომელსაც გერმანიის ადგილი დაუთმეს.
დარჩენილი 13 ადამიანი, რომლებიც ერთად შეძლებენ 27 ადგილიდან მხოლოდ ნახევარს შეავსონ, არის მამაკაცი, თუმცა, რვა ქვეყანამ, მათ შორის დანიამ, კვლავ უნდა წარადგინოს თავისი წევრები კომისიაში და ეს უნდა მოხდეს 30 აგვისტომდე.
რეალურად, კანდიდატის წარდგენა თავად ქვეყნების გადასაწყვეტია და არ არსებობს ფორმალური მოთხოვნა, რომ მათ დაასახელონ თითოეული სქესის წარმომადგენელი. მაგრამ თუ კომისართა შორის ქალების წილი ძალიან შემცირდება, ეს შეიძლება გახდეს პრობლემა, რადგან კომისართა გუნდი ევროპარლამენტმა უნდა დაამტკიცოს, ბევრი ევროპარლამენტარი, განსაკუთრებით მემარცხენე, დიდ აქცენტს აკეთებს თანასწორობაზე.
ამჟამინდელი კომისრის გუნდი შედგება 12 ქალისა და 15 კაცისგან და ახლად წარდგენილ გუნდში გენდერული ბალანსის ძალიან დამახინჯების შემთხვევაში მის არდამტკიცებას არ გამორიცხავენ.
რა თქმა უნდა, ძნელი სათქმელია თქმა, ქალების წილი უნდა იყოს 30, 40 თუ 48 პროცენტი. მაგრამ თუ ჩვენ 30-35% ნაკლები ქალი კომისარი გვეყოლება, ეს ძალიან უხერხული იქნება, - ამბობს კირა მარი პეტერ-ჰანსენი, დანიელი ევროპარლამენტარი, ჯგუფის „ევროპელი მწვანეები - ევროპის თავისუფალი ალიანსი" წევრი.
კრისტოფერ შტორმი, ევროპარლამენტის წევრი დანიის დემოკრატებიდან, ვერ ხედავს კომისიაში ქალებისა და მამაკაცების თანაბარი რაოდენობის აუცილებლობას ნებისმიერ ფასად.
„სირცხვილი იქნება, თუ მხოლოდ ექვსი ქალი კომისარი დარჩება, რადგან ვფიქრობ, რომ კარგია ორი სქესის კარგი ნაზავი“, მაგრამ, საბოლოო ჯამში, ყველაზე მნიშვნელოვანი - უნარებია. არ აქვს მნიშვნელობა ეს კაცი იქნება თუ ქალი, ამბობს ის და დასძენს, რომ ცალკეულმა მთავრობებმა თავად უნდა გადაწყვიტონ, ვისი გაგზავნა სურთ. არც მე და არც ურსულა ფონ დერ ლაიენი არ უნდა ჩავერიოთ ამაში.
დანია ერთ-ერთია იმ ქვეყნებს შორის, რომელსაც ჯერ არ დაუსახელებია კანდიდატი. კირა მარი პეტერ-ჰანსენი მიიჩნევს, რომ დანიის მთავრობამ ურსულა ფონ დენ ლაიენის თხოვნა უნდა გაითვალისწინოს და ორი კანდიდატი წარადგინოს. ის დარწმუნებულია, რომ დანია უფრო მნიშვნელოვანი კომისრის პოსტს მიიღებს, თუ მისი კანდიდატი ქალი იქნება.
