სირიაში აშშ-ს სამი პატრიოტის დაკარგვას ვგლოვობთ, პასუხი ძალიან სერიოზული იქნება, - ამის შესახებ აშშ-ს პრეზიდენტი დონალდ ტრამპი Truth Social-ზე მას შემდეგ, რაც 13 დეკემბერს სირიის უძველეს ქალაქ პალმირასთან ერთობლივი პატრულირების დროს სირიისა და აშშ-ს ძალებს ცეცხლი გაუხსნეს, რის შედეგადაც ორი ამერიკელი სამხედრო და თარჯიმანი დაიღუპა.
"ვგლოვობთ სირიაში სამი დიდებული ამერიკელი პატრიოტის - ორი სამხედროსა და ერთ სამოქალაქო თარჯიმნის - დაკარგვას. ასევე ვლოცულობთ სამი დაჭრილი სამხედროსთვის, რომლებიც, როგორც ახლახან დამიდასტურეს, კარგად არიან. ეს იყო ISIS-ის თავდასხმა აშშ-სა და სირიის წინააღმდეგ, სირიის ძალიან სახიფათო ნაწილში, რომელსაც ისინი სრულად ვერ აკონტროლებენ. სირიის პრეზიდენტი, აჰმედ ალ-შარაა, უკიდურესად გაბრაზებული და შეწუხებულია ამ თავდასხმით. ამას ძალიან სერიოზული პასუხი მოჰყვება", - წერს დონალდ ტრამპი.
