ბრიტანეთის მეფე ჩარლზ III უკრაინის პრეზიდენტ ვოლოდიმირ ზელენსკის ბლენჰაიმის სასახლეში, ევროპის პოლიტიკური გაერთიანების სამიტის ფარგლებში შეხვდა. ამის შესახებ ბრიტანეთის სამეფო ოჯახის ოფიციალურ X-ზე წერს.
18 ივლისს, სამეფო ოჯახის პრესსამსახურმა ჩარლზ III-ისა და ზელენსკის შეხვედრის ფოტო გამოაქვეყნა.
"დღეს მეფემ უკრაინის პრეზიდენტი ვოლოდიმირ ზელენსკი ბლენჰაიმის სასახლეში მიიღო, ევროპის პოლიტიკური თანამეგობრობის შეხვედრის შემდეგ," - ნათქვამია განცხადებაში.
17 ივლისს ბრიტანეთის მეფე ჩარლზ III სიტყვით გამოვიდა ლეიბორისტული მთავრობის საქმიანობის პროგრამით, სადაც უკრაინაც იყო ნახსენები.
მეფემ აღნიშნა, რომ მთავრობა "გააგრძელებს უკრაინისა და მისი ხალხის სრულ მხარდაჭერას და ასევე შეეცდება შეასრულოს წამყვანი როლი უკრაინისთვის ნატოში გაწევრიანების მკაფიო გზის მიცემაში."
ზელენსკის პირველი შეხვედრა ბრიტანეთის ახალ პრემიერ-მინისტრთან, კირ სტარმერთან გასულ კვირას შედგა ვაშინგტონში, ნატოს სამიტის ფარგლებში.
ბრიტანეთის ახალი მთავრობის საგარეო საქმეთა მინისტრმა დევიდ ლემიმ დაადასტურა, რომ წინა მთავრობის მიერ დამტკიცებული უკრაინის მხარდაჭერის გეგმები, განსაკუთრებით დაფინანსების ოდენობასთან დაკავშირებით, ძალაში რჩება.
მან ასევე განაცხადა, რომ მთავრობა განიხილავს უკრაინის მოთხოვნას რუსეთის ტერიტორიის სიღრმეში Storm Shadow-ს ფრთოსანი რაკეტების გამოყენების ნებართვის შესახებ.
