ამის შესახებ ინფორმაციას „სქაი ნიუსი“ ავრცელებს.
შინაგან საქმეთა მინისტრმა შაბანა მაჰმუდმა განაცხადა, რომ აუქმებს თავშესაფრის მაძიებლების საავადმყოფოში ვიზიტებზე ტაქსებით შეუზღუდავად სარგებლობის უფლებას.
ახალი წესების თანახმად, სამედიცინო ვიზიტებისთვის ტაქსების გამოყენება შემოიფარგლება „გამონაკლისი“ შემთხვევებით, როგორიცაა ფიზიკური შეზღუდულობა (ინვალიდობა ან ტრავმა), ორსულობა ან სერიოზული დაავადება და ასეთ შემთხვევაშიც საჭირო იქნება ხელისუფლების ორგანოების თანხმობა.
მინისტრმა განცხადება მას შემდეგ გააკეთა, რაც „ბი-ბი-სის“ გამოძიებით გაირკვა, რომ თავშესაფრის მაძიებლები ტაქსის ძალიან ხშირად გამოიყენებენ და არცთუ იშვიათად, ხანგრძლივი მგზვრობისთვისაც კი. ერთ ასეთ შემთხვევაში თავშესაფრის მაძიებელმა ტაქსით 250 მილი იმგზავრა, რათა ოჯახის ექიმთან ვიზიტზე მისულიყო.
ანგარიშების თანახმად, თავშესაფრის მაძიებლების ტრანსპორტირება მთავრობას წელიწადში საშუალოდ თითქმის 16 მილიონი ფუნტი სტერლინგი უჯდება.
