მინესოტას აეროპორტის საბაჟო სამსახურის თანამშრომლებმა აღმოაჩინეს, რომ მოგზაურს ბარგში უნიკალური სუვენირი ჰქონდა: ჟირაფის ფეკალიები. მგზავრი მინეაპოლის-სენტ პავლეს საერთაშორისო აეროპორტში კენიიდან 29 სექტემბერს ჩავიდა. ამის შესახებ აშშ-ის საბაჟო და საზღვრის დაცვის პრესრელიზშია ნათქვამი.
"მგზავრი ჟირაფის ნარჩენებს არეკლამებდა და თქვა, რომ ჟირაფის ფეკალიები კენიაში მიიღო და მისგან ყელსაბამის გაკეთებას გეგმავდა", - ნათქვამია განცხადებაში.
მოგზაურმა თქვა, რომ იგი ადრე, მსგავსი სამკაულების დასამზადებლად ლოსის ფეკალიებს იყენებდა", - განაცხადეს საბაჟო სამსახურის წარმომადგენლებმა.
განცხადებაში ნათქვამია, რომ სააგენტოს სოფლის მეურნეობის სპეციალისტებმა, პროტოკოლის მიხედვით, "ყუთი ჩამოართვეს და ფეკალიები სტერილიზაციის შედეგად გაანადგურეს".
დოქტორმა ლაფონდამ თქვა: "არსებობს ფეკალური ნივთიერების შეერთებულ შტატებში შესვლის რეალური რისკი. თუ ეს ადამიანი შეერთებულ შტატებში შევიდოდა და ამ ფეკალიებს შეიტანდა, დიდი ალბათობით, ეს ადამიანი დაავადდებოდა და ჯანმრთელობის სერიოზული პრობლემები შეექმნებოდა".
განცხადებაში ნათქვამია, რომ ცხოველების ფეკალიების შეერთებულ შტატებში შესატანად, ვეტერინარული ნებართვა უნდა იქნეს მიღებული. სააგენტომ აღნიშნა, რომ კენიაში ღორის აფრიკულ ჭირს, ღორის კლასიკურ ჭირს, ნიუკასლის დაავადებას, ფეხისა და პირის ღრუს დაავადებას და ღორის ვეზიკულურ დაავადებას ებრძვიან.
