ვფიქრობ, საქართველოს ნაკრებს აქვს იმის რესურსი რომ წარმატებული ნაკრები იყოს, - ამის შესახებ საქართველოს ნაკრების ლიდერმა, ხვიჩა კვარაცხელიამ განაცხადა.
„ბოლო თამაში, ბოლო ნაბიჯი დაგვრჩა, რომელიც ბოლომდე უნდა მივიყვანოთ და შემდეგ უკვე 2025 წელს მნიშვნელოვანია, ყველაფერი გავაკეთოთ და ისევ ისე ვიშრომოთ, როგორც აქამდე ვაკეთებდით. ვფიქრობ, საქართველოს ნაკრებს აქვს იმის რესურსი რომ წარმატებული ნაკრები იყოს და ჩემი აზრით, წინ მივდივართ, იმიტომ რომ გვყავს ისეთი ფეხბურთელები, რომლებსაც შეუძლიათ განვითარება“, - ამბობს ხვიჩა კვარაცხელია.
რამდენიმე საათი მატჩამდე, საქართველოს ეროვნული საფეხბურთო ნაკრები ჩეხეთს დაუპირისპირდება, შეხვედრა 23:45 წუთზე დაიწყება.
მატჩი უმნიშვნელოვანესია, რადგან თუ საქართველოს ნაკრები გამარჯვებას მოიპოვებს ჯგუფში პირველ ადგილზე გავა და მსოფლიო ჩემპიონატზე მოხვედრის შანსს შეინარჩუნებს.
ჩეხეთთან ბოლო დაპირისპირება საქართველოს გამარჯვებით დასრულდა. ჩვენმა გუნდმა თბილისში მეტოქე ოთხით ერთი დაამარცხა.
