მოსამართლეები იყვნენ ერთსულოვნები, რომ ეს არ ემსახურება რეალურად კეთილსინდისიერების შემოწმებას და რეალურად ეს მიმართულია იმისკენ, რომ მოხდეს სასამართლოს დამორჩილება, - ამის შესახებ სააპელაციო სასამართლოს მოსამართლემ, იუსტიციის უმაღლესი საბჭოს წევრმა, ლევან მურუსიძემ ჟურნალისტებს ვეტინგის სისტემაზე საუბრისას განუცხადა.
„მიგვაჩნია, რომ საერთოდ ამ ვეტინგის სისტემას არაფერი კავშირი არ აქვს კეთილსინდისიერების შემოწმებასთან. ეს დაადასტურა იმ პროცესებმა, რომელიც მიმდინარეობდა ალბანეთში, უკრაინაში და რომელიც ახლა მიდის მოლდავეთში. შესაბამისად, კეთილსინდისიერებას ამოფარებული ეს თემა რეალურად სხვა მიზნებს ისახავს“, - აღნიშნა მურუსიძემ.
