სურსათის ეროვნული სააგენტოს უფროსი „დღის ქრონიკაში“ აცხადებს, რომ სურსათის უვნებლობის კონტროლის მხრივ მომხმარებლის ჩართულობა მნიშვნელოვანია. ზურაბ ჩეკურაშვილი მომხმარებელს მიმართავს, რომ თუ რაიმე დარღვევას ადგილი ექნება, სოფლის მეურნეობის სამინსიტროს ცხელ ხაზზე დარეკონ.
„მომხმარებლის ჩართულობა ძალიან მნიშვნელოვანია სურსათის უვნებლობის კონტროლის მხრივ. ვერც ერთ სახელმწიფოს ვერ ექნება ის შესაძლებლობა, რომ ერთდროულად ყველა სავაჭრო ობიექტი გააკონტროლოს.
მომხმარებელმა უნდა წაიკითხოს ეტიკეტი, უნდა იყიდოს ის სურსათი, რომელიც მას სჭირდება, რომ ის ვარგისიანია, უნდა ნახოს შემადგენლობა, თუკი რამე დარღვევას ექნება ადგილი დარეკონ 15 01-ზე, ეს არის სოფლის მეურნეობის სამინისტროს ცხელი ხაზი, დააფიქსირონ შეტყობინება და სურსათის ეროვნული სააგენტო ყველა შეტყობინებაზე მყისიერ რეაგირებას ახდენს“, - აღნიშნა სურსათის ეროვნული სააგენტოს უფროსმა.
