თინა ბოკუჩავა: "გარდა იმისა, რომ ღია, საჯარო ვიზიტებით სტუმრობს კობახიძე ჩინეთსა და ირანს, ჩვენ გვაქვს ინფორმაცია, რომ არსებობს დახურული არხებით პირდაპირი კომუნიკაცია პუტინის რუსეთთან"

“გარდა იმისა, რომ ღია, საჯარო ვიზიტებით სტუმრობს კობახიძე ჩინეთსა და ირანს, ჩვენ გვაქვს ინფორმაცია, რომ არსებობს დახურული არხებით პირდაპირი კომუნიკაცია პუტინის რუსეთთან და მათ შორის ბუნებრივია, აღნიშნული შეიძლება ხდებოდეს ისეთი ავტოკრატიული სახელმწიფოების ტერიტორიაზე და მათი მეშვეობით, როგორიც არის ირანი. თავისთავად ის, რომ ნაცვლად იმისა, საქართველოს პრემიერი სტუმრობდეს ინაუგურაციებს აშშ-ს თუ ევროპის კავშირის ქვეყნებში, ჩვენ ვხედავთ, რომ მაღალი დონის ვიზიტების ორგანიზება ხდება ავტოკრატიულ სახელმწიფოებთან, რომელსაც აშშ განიხილავს ბოროტების ღერძის შემადგენლებად, რომლებიც მათ შორის რუსეთის ომს უკრაინის წინააღმდეგ აფინანსებენ და ხელს უწყობენ.

ჩვენ ვიცით, რომ ათასობით დრონს ყიდის ირანი რუსეთზე იმისთვის, რომ დაიბომბოს უკრაინული ქალაქები და თავს დაესხას მშვიდობიან მოსახლეობას, მაშინ, როდესაც აშშ ჩინეთს მოიხსენიებს, როგორც მთავარ ფინანსურ მოქმედ პირს რუსეთის საომარი მანქანის დაფინანსებისთვის უკრაინის წინააღმდეგ. ასე მოიხსენიებენ, როგორც ბოროტების ღერძი თავისუფალი სამყაროს წინააღმდეგ და ნაცვლად იმისა, რომ საქართველოს ხელისუფლება გვერდით იდგეს თავისუფალ სამყაროსთან ამ ცივილიზაციურ ბრძოლაში, სადაც აუცილებლად გამარჯვებული იქნება უკრაინა დემოკრატიული სამყარო და თავისუფალი სამყარო ამერიკის შეერთებულ შტატებთან და ევროკავშირთან ერთად, სამწუხაროდ ჩვენ ვხედავთ, რომ უკვე ღიად ივანიშვილი დგება არა თავისუფალი სამყაროს გვერდით, არამედ ავტოკრატიულ რეჟიმებთან, რომელსაც ამერიკა ბოროტების ღერძის აქტორებად განიხილავს.“  - განაცხადა თინა ბოკუჩავამ