„ქართული სამართალდამცავი უწყებებიდან ინტერპოლისათვის გაგზავნილი წერილების გარდა „ევროპოლის“ მიერ ჩატარებული გამოძიებით, ფაქტია შექმნილია სამართლებრივი საფუძველი იმისა, რომ მოხდეს დავით კეზერაშვილის პასუხისგებაში მიცემა. თუმცა კეზერაშვილს არათუ რაიმე შეზღუდვა არ აქვს გადაადგილებაზე, მას ფრანგულმა სასამართლომ ერთგვარი ინდულგენციაც კი მიანიჭა, როდესაც მისი საქართველოში ექსტრადირების საკითხი განიხილებოდა,“ - წერს „ხალხის ძალის“ წევრი თამთა მეგრელიშვილი სოციალურ ქსელში.
როგორც თამთა მეგრელიშვილი აღნიშნავს, საინტერესოა რატომ არ ხდება დავით კეზერაშვილის დაკავება.
მეგრელიშვილი იმედს იტოვებს, რომ მიმდინარე გამოძიება ყველაფერს სამართლიან პასუხს გასცემს და კიდევ ერთხელ სამართლებრივი მაღალი სტანდარტით დამტკიცდება, რომ დავით კეზერაშვილი საერთაშორისო დონის დამნაშავე და კრიმინალია და ქართულ კანონთან ერთად ევროპული კანონიც ამაზე შესაბამის რეაგირებას მოახდენს.
„ბრიტანული ავტორიტეტული მედიაკორპორაცია BBC-სგან გახდა ცნობილი, რომ არსებობს აშკარა მტკიცებულებები რომლითაც „მისტერ ოფშორი“, ანუ დავით კეზერაშვილი რამდენიმე წლის განმავლობაში ძარცვავდა ევროპელ პენსიონერებს. ახლახან საქართველოს გენერალურმა პროკურატურამ საზოგადოებას აცნობა, რომ ეგრეთ წოდებული „ქოლცენტრების“ საქმის მორიგი ეპიზოდის გამოძიება დასრულდა, რის შედეგადაც რამდენიმე პირი სისხლის სამართლის პასუხისგებაში მიეცა და დადასტურდა დაკავებული კრიმინალების პირდაპირი კავშირი დავით კეზერაშვილთან.
ასევე გაავრცელა მამტკიცებელი დოკუმენტები, რომლის თანახმად ევროპელი პენსიონერებისათვის მოპარული თანხები სწორედ დავით კეზერაშვილის და მისი ოჯახის წევრების ანგარიშებზე ირიცხებოდა. ქართული სამართალდამცავი უწყებებიდან ინტერპოლისათვის გაგზავნილი წერილების გარდა "ევროპოლის“ მიერ ჩატარებული გამოძიებით, ფაქტია შექმნილია სამართლებრივი საფუძველი იმისა, რომ მოხდეს დავით კეზერაშვილის პასუხისგებაში მიცემა. თუმცა კეზერაშვილს არათუ რაიმე შეზღუდვა არ აქვს გადაადგილებაზე, მას ფრანგულმა სასამართლომ ერთგვარი ინდულგენციაც კი მიანიჭა, როდესაც მისი საქართველოში ექსტრადირების საკითხი განიხილებოდა. სააკაშვილის რეჟიმის და ახლა უკვე კოლექტიური ნაც-მოძრაობის მთავარი მოლარე დავით კეზერაშვილი ხელისუფლებაში უქონელი მოვიდა, მაგრამ რამდენიმე წელიწადში მის ანგარიშზე, როგორც მინიმუმ მილიარდიანი ქონება აღმოჩნდა. სწორედ კეზერაშვილია იმ ერთეულ ადამიანებს შორის, რომლებიც 2008 წლის ომით სარგებელი მიიღო და მოკლე დროში კოლოსალურად გამდიდრდა.
ისმის კითხვა- სად არის სამართალი? ქართული სამართალდამცავი უწყებებიდან ინტერპოლისათვის გაგზავნილი წერილების უგულებელყოფის პარალელურად ევროპასა და საქართველოში მიმდინარე ამხელა საგამოძიებო პროცესის მიუხედავად რატომ არ ხდება დავით კეზერაშვილის დაკავება?!
ნუთუ კანონის დაცვა და დამნაშავის დასჯა ევროპულად სხვაგვარ შინაარს ატარებს?! ნუთუ განუკითხაობის ჭაობში ბოლომდე ჩაიძირა ევროპა და დიდი ფულისა და გარიგების სანაცვლოდ იქ ყველაფერი მოსულა?! ვიტოვებ იმედს, მიმდინარე გამოძიება ყველაფერს სამართლიან პასუხს გასცემს და კიდევ ერთხელ სამართლებრივი მაღალი სტანდარტით დამტკიცდება, რომ დავით კეზერაშვილი საერთაშორისო დონის დამნაშავე და კრიმინალია და ქართულ კანონთან ერთად ევროპული კანონიც ამაზე შესაბამის რეაგირებას მოახდენს,“ - წერს თამთა მეგრელიშვილი.
