ენმ-ში ჩემი ინტეგრაცია შესაძლებლადაც არ მიმაჩნია, იქ იმდენი ლიდერია, სად წაიღონ არ იციან - ამის შესახებ „მთავარი არხის“ დამფუძნებელმა, ნიკა გვარამიამ განაცხადა.
„ნაციონალურ მოძრაობაში“ ჩემი ინტეგრაცია შესაძლებლადაც არ მიმაჩნია. იქ იმდენი ლიდერია, საკუთარი ლიდერები სად უნდა წაიღონ არ იციან რეალურად. ვინმეს თუ ჰგონია, რომ მე იქ შემოთავაზება არ მქონია, თან ყველაზე უფრო სიტყვა რომ ეთქმის ისეთი ხალხისგან, ძალიან ცდება. მე პატივს ვცემ იმ ადამიანებს, ვინც იქ არიან დიდი ხანია, მე იქ არ ვარ. ახლა, გამოვიდე სცენაზე სიტყვით, იცით რა, თქვენზე ჭკვიანი ვარ და თქვენზე მეტად მე მეკუთვნის და ახლა გაიწით-გამოიწიეთ, ახლა მე უნდა დავჯდე, რანაირად წარმოგიდგენიათ? ამის უფლებას თავს არ მივცემ“, - განაცხადა გვარამიამ.
