ლევან მახაშვილი: ყველა სიტყვები, რომლებიც ეხება კრიზისებს, რევოლუციებს, დამხობებს, არის ფუჭი სიტყვები, არანაირი პერსპექტივა ამ სცენარს საქართველოში არ აქვს და ვერ ექნება მომავალში

მისი თქმით, რევოლუციის სცენარს საქართველოში არანაირი პერსპექტივა არ აქვს და ვერ ექნება.

„4 ოქტომბერი მოვა, არჩევნები ჩაივლის ჩვეულებრივად, მშვიდობიანად, მოსახლეობა გამოხატავს თავის აზრს და ქვეყანა გააგრძელებს განვითარებას. ყველა სიტყვები, რომლებიც ეხება კრიზისებს, რევოლუციებს, დამხობებს, არის ფუჭი სიტყვები, არანაირი პერსპექტივა ამ სცენარს საქართველოში არ აქვს და ვერ ექნება ვერასდროს მომავალში. საქართველოში მოსახლეობის დაკვეთა არის ქვეყნის განვითარება, მეტი სიკეთე და არა რევოლუციები და დამხობები. ყველა, ვინც ამ სცენარს გაუყვება, არჩევნებზე ელოდება, სულ ცოტა, პოლიტიკური დამარცხება, ხოლო თუ გადაიკვეთება სამართლებრივი ჩარჩოები, რა თქმა უნდა, ამ სცენარსაც სახელმწიფოსგან შესაბამისი სამართლებრივი რეაგირება ექნება“, – განაცხადა ლევან მახაშვილმა.

პარტია „გახარია საქართველოსთვის“ თავმჯდომარემ, გიორგი გახარიამ ერთ-ერთი მედიის ეთერში განაცხადა:  „მოქალაქეებს ეუბნები, რომ 4 ოქტომბერი უნდა იყოს მშვიდობიანი დამხობის დღე და რევოლუციის რესურსი არ გაქვს, შემდეგ დააბრალებენ ხალხს, არასაკმარისი გამოვიდა, ჩვენ რა ვქნათო“. გახარია ამბობს, რომ „4 ოქტომბრის მშვიდობიანი დამხობის, თუ მშვიდობიანი რევოლუციის გაიგივება სახალხო პროტესტთან, ფაქტობრივად, ამ პროტესტის დელეგიტიმაცია და „ოცნების“ ლეგიტიმაცია იყო“.