„გირჩის“ წევრის იაგო ხვიჩიას განცხადებით, მესამე პარტია, რომელიც ნიშნავს ქვეყანაში ცვლილებებს, არის „გირჩი“, ყველა დანარჩენი პარტია კი, პროქოცური ან პრონაცურია.
„ამ ქვეყანაში არსებობენ „ნაცებიც“ და „ქოცებიც“. სამწუხაროდ თუ საბედნიეროდ, ეს არის დღევანდელი რეალობა. „ნაცების“ და „ქოცების“ პირობებში არაფერი იცვლება ამ ქვეყანაში, 11 წელია, ამას ვხედავთ და თუ გვინდა, რამე შეიცვალოს, მესამე პარტია, რომელიც ნიშნავს ცვლილებებს ამ ქვეყანაში, არის „გირჩი“, თორემ ყველა დანარჩენი პარტია თავისი შინაარსით ან პროქოცურია ან პრონაცური. პროქოცებში და პრონაცებში ცვლილებების რესურსი არ არსებობს. გადავლახავთ თუ არა ბარიერს, ამაზე პასუხია, გაიღვიძებს ქართველი ხალხი, თუ გააგრძელებს ძილს იმავე ძილით, რა ძილითაც ახლა ჩვენ ვიმყოფებით.
ჩვენმა ამომრჩეველმა შეიძლება, საერთოდ ვერ გაიღვიძოს და კიდევ უარეს დღეში ვიყოთ, ეს პარლამენტი იყოს „გირჩის“ გარეშე, მარტო „ქოცებით“ და „ნაცებით“. მაგრამ მე ასე ვუყურებ ჩემს საქმიანობას – ვაკეთებ ყველაფერს, რათა წარმატებას მივაღწიოთ, თავისუფლების იდეამ ზოგადად, ერთადერთი, რაც მინდა, არ დავაკლო არაფერი ამას, ჩემს ბრძოლას არაფერი დააკლდეს, თორემ თუ ადამიანებს კიდევ უფრო დიდი ნარკოზი აქვთ გაკეთებული ხელისუფლების მიერ, ვიდრე მე წარმომიდგენია და ვერ გამოიღვიძებენ, მომავალში, შემდეგ თაობისთვის მექნება სათქმელი, რომ ვცადე. ეს არის ჩემი მიზანი. მე ვცადე მაქსიმალურად ეფექტურად, ხალხი გამოიღვიძებს თუ არა, მგონი, ეს ხალხის დამოკიდებულებაც იქნება. თუ წავაგებთ, მე დავემშვიდობები ამ პროფესიას და ხალხი გააგრძელებს ძილს, არაფერი შეიცვლება, უბრალოდ, მთელი ცხოვრება მექნება სათქმელი, იდიოტები იყავით რომ არ ამირჩიეთ“, – აღნიშნა იაგო ხვიჩიამ.
