"ჩვენ ვარწმუნებთ და ბევრს ვიმუშავებთ კიდევ ამაზე ევროკავშირის წევრ სახელმწიფოებთან, რომ საქართველოს არ გაუუქმონ უვიზო მიმოსვლა ევროკავშირთან." - ამის შესახებ "გახარია საქართველოსთვის" ლიდერმა, გიორგი გახარია, განაცხადა.
"მაგრამ, საპირწონედ, თუ რაიმე ნაბიჯები უნდა გადადგან, დაასანქცირონ კონკრეტულად ის ადამიანები, რომლებიც დამნაშავეები არიან ქვეყნის დემოკრატიულ უკუსვლაში და არჩევნების გაყალბებაში", - განაცხადა გიორგი გახარიამ.
ასევე ექსპრემიერმა მიმართა საქართველოში აკრედიტებულ დიპკორსს. - უნდა ვთხოვო ჩვენ ქვეყანაში აკრედიტებულ ელჩებს, არ დაესწრონ მე-11 მოწვევის პარლამენტის პირველ სხდომას
შეგახსენებთ, 4 ქართული ოპოზიციური გაერთიანება 26 ოქტომბრის საპარლამენტო არჩევნებთან დაკავშირებით ჯოზეფ ბორელს და ევროკავშირის წევრი ქვეყნების საგარეო საქმეთა მინისტრებს წერილით მიმართეს სადაც ითხოვენ ხელისუფლებასთან ყველა დონეზე კომუნიკაციის შეწყვეტას, მთავრობისთვის ფინანსური დახმარების შეჩერებას.
