100 %-იანი სიზუსტით შემიძლია, ვთქვა, რომ ვაშაძის ხელისუფლების ზეობის პერიოდში, საქართველოს იმჟამინდელმა ხელისუფლებამ ყველაფერი გააკეთა, რათა რუსეთის ინტერესები ყოფილიყო გატარებული რეგიონშიც და საქართველოს ტერიტორიაზეც, – ამის შესახებ პარლამენტის ვიცე-სპიკერმა, გია ვოლსკიმ განაცხადა.
მისი თქმით, ოკუპაცია მოხდა იმ პირობებში, როდესაც დასავლეთს აბსოლუტურად სხვა საგზაო რუკა ჰქონდა სამოქმედო, დაუპირისპირდნენ მას და დაასხეს ძალუმად წყალი რუსულ წისქვილზე.
„სამუშაო ადგილები რომ იქმნება დღეს, შეუდარებლად დიდი სოციალური პაკეტი რომ არის, ვიღაცა ბავშვებზე ზრუნავს, რომელთა მიმართ დამოკიდებულება ვაშაძის ზეობის პერიოდში იყო ნულის ტოლი. აი, ეს თემებია ის, რაც ისტერიკაში აგდებს ვაშაძესაც და მის „დამარცხების პლათფორმასაც“. ამ რეალობაში უნდა, რომ ხალხს კიდევ დამატებითი ტყუილი მოუყვეს, ვითომ სამუშაო ადგილების შემქმნელების ან რაღაცის გამკეთებლები არიან გინდა, ეკონომიკაში ან პოლიტიკაში. ეს არის დამანგრეველი ძალა და ჯერ საკუთარ დანგრევას ახორციელებენ, უნდათ, რომ ეს ნგრევა გადაიტანონ ქვეყანაზე. ეს არის რეალობა რასაც თვალი უნდა გაუსწოროს, მათ შორის იმ ადამიანებმაც, რომლებიც მხარს უჭერენ „ნაციონალურ მოძრაობას“.
ნული იყო სოციალურ პაკეტზე, უსაფრთხოებაზე მსჯელობა. რუსეთთან მიმართებაში გამყიდველი პოზიცია ჩამოაყალიბეს და შედეგები სახეზე გვაქვს. რა საქმეზე უნდა ელაპარაკო აღმაშენებელს რომ დაარქმევ პარტიას და ფრაქციას, ეს იმას არ ნიშნავს რომ რამეს ააშენებ.
ვაშაძეს პრემიერ მინისტრობა უნდა, რომ იძინებს, იღვიძებს, ფიქრობს, ჩრდილოვანი კაბინეტი მაინც შექმნას, რეალობაში კაბინეტს ვერასდროს რომ ვერ შექმნის, იცის, და ჩრდილოვან კაბინეტში პრემიერ-მინისტრის სავარძელში წარმოიდგინა საკუთარი თავი. საინტერესოა მინისტრები ვინ ეყოლება. ეს ადმიანები შორს არიან ევროპული სტანდარტისგან, ვინაიდან აწამეს, დახოცეს ადამიანები და დღემდე ამ სისხლში აქვს, მათ შორის ვაშაძეს ხელი გასვრილი. ყველა იმაზე ზრუნავს, როგორმე ქვეყანა აურიონ და დესტაბილიზაცია მოახდინონ. რა ჩრდილოვანი კაბინეტი უნდა შექმნან?ისე თუ შექმნიან და საზოგადოებას გააცნობენ თავის გეგმებს ყველა მიმართულებით, ურიგო არ იქნება“, – განაცხადა გია ვოლსკიმ.
