“ჩვენთვის არ აქვს მნიშვნელობა რას იტყვის ე.წ პრემიერ მინისტრი, რომელსაც ქუჩაში მარტო გასვლის ეშინია. “ნაციონალური მოძრაობას” 13 წელია ემუქრება ივანიშვილი და “ოცნება” განადგურებით და ეს გასაგებიც არის, “ნაციონალური მოძრაობასთან” ბრძოლით ივანიშვილი ცდილობს მოკლას ევროინტეგრაცია ქვეყანაში და თავისუფლების იდეა" - ამის შესახებ "ნაციონალური მოძრაობის" წევრმა ანა წითლიძემ განაცადა.
"მიუხედავად მრავალწლიანი მცდელობებისა, “ნაციონალური მოძრაობა” იბრძვის და დგას მყარად, არის ერთ-ერთი უმთავრესი წინააღმდეგობის მოძრაობა, რომელიც 13 წლის განმავლობაში არ დანებდა და “ნაციონალური მოძრაობა” იქნება ის, ვინც რეჟიმის ჩამოცილებაში მიიღებს უდიდეს წვლილს, ამიტომ რა გადაწყვეტილებაც არ უნდა მიიღოს ე.წ-მა საკონსტიტუციო სასამართლომ, ჩვენთვის ამას მნიშვნელობა არ აქვს.
“ნაციონალური მოძრაობის” თითოეულ ლიდერს გაცნობიერებული აქვს რა ბრძოლაში ვართ და მიუხედავად გადაწყვეტილებებისა, ჩვენ ვიქნებით ბრძოლის წინა ხაზზე და ვიბრძოლებთ ბოლომდე რეჟიმის წინააღმდეგ.” - განაცხადა ანა წითლიძემ.
შეგახსენებთ, საქართველოს პრემიერმინისტრმა განაცხადა: პარტიების არაკონსტიტუციურად გამოცხადების თაობაზე გადაწყვეტილება შეიძლება მიიღოს ერთადერთმა ორგანომ, ეს არის საქართველოს საკონსტიტუციო სასამართლო - ჩვენ ოთხივე პარტიასთან დაკავშირებით მივმართავთ. - ირაკლი კობახიძის თქმით, ოთხივე პარტია არის ერთი პოლიტიკური ძალა - კოლექტიური „ნაცმოძრაობა“ და უცხოური აგენტურა.
