ევროკომისიის პრეზიდენტი ურსულა ფონ დერ ლაიენი აცხადებს, რომ ევროკავშირი რუსეთის წინააღმდეგ სანქციების მე-18 პაკეტს ამზადებს. ფონ დერ ლაიენმა ამის შესახებ უკრაინის პრეზიდენტ, ვოლოდიმირ ზელენსკისთან სატელეფონო საუბრის შემდეგ X-ზე დაწერა.
"ახლახან ტელეფონით ვესაუბრე ვოლოდიმირ ზელენსკის.
ჩვენ მჭიდროდ ვთანამშრომლობთ შემდეგ ნაბიჯებთან დაკავშირებით.
ევროპამ ცოტა ხნის წინ მიიღო მკაცრი სანქციების მე-17 პაკეტი.
მზადდება მე-18 პაკეტი შემდგომი მკაცრი სანქციებით.
დროა, ცეცხლის შეწყვეტის მისაღწევად გავაძლიეროთ ზეწოლა რუსეთზე", - წერს ფონ დერ ლაიენი.
