NATO-ს გენერალურმა მდივანმა მარკ რუტემ თავდაცვის მინისტრების შეხვედრამდე მედიასთან გააკეთა კომენტარი და თქვა, რომ ნებისმიერი საკითხი, რომელიც უკრაინის შესახებ განიხილება, აუცილებლად კიევის ჩართულობით უნდა მოხდეს.
"ჩვენ დღეს გვექნება შეხვედრა უკრაინის თავდაცვის მინისტრ რუტემ უმეროვთან. ნებისმიერი საკითხი, რაც უკრაინის შესახებ განიხილება აუცილებლად უნდა წარიმართოს უკრაინის ჩართულობით", - განაცხადა მარკ რუტემ.
მან ასევე თქვა, რომ "არ იქნება "მინსკი 3". ეს აღარ უნდა მოხდეს! ჩვენ არ უნდა მივცეთ პუტინს უფლება თუნდაც კიდევ ერთი კვადრატული მილით წაიწიოს წინ უკრაინაში".
მისივე თქმით, ერთ-ერთი უმთავრესი საკითხი, რასაც თავდაცვის მინისტრები განიხილავენ, ალიანსის თავდაცვის ბიუჯეტის გაზრდაა:
"ჩვენ ასევე განვიხილავთ NATO-ს თავდაცვის ბიუჯეტს, რადგან მეტია გასაკეთებელი. ჩვენ გვაქვს საოცარი თავდაცვის ინდუსტრიები, თუმცა ეს საკმარისი არ არის".
12-13 თებერვალს NATO-ს თავდაცვის მინისტრები ბრიუსელში წლის პირველ შეხვედრას მართავენ.
