ხშირად ვერ ნახავთ მოტოციკლისტს, რომელსაც უკანა სავარძელზე გერმანული ნაგაზი უზის და ისინი ერტად მოგზაურობენ მსოფლიოს გარშემო. ასე რომ, გასაკვირი არ არის, რომ კონტენტის შემქმნელი ჯეს სტოუნისა და მისი საყვარელი ძაღლის მოქსის ხილვა, რომლებიც ერთად მოგზაურობენ, არაერთგვაროვან გრძნობებს ტოვებს.
სტოუნი და მოქსი, რომელიც დაახლოებით 34 კილოგრამს იწონის, ამჟამად 10-თვიან ეპიკურ მოგზაურობაში არიან. მოგზაურობა მოიცავს 90-მდე ქვეყანას ცენტრალურ, ჩრდილოეთ და სამხრეთ ამერიკაში, აფრიკაში, ევროპასა და აზიის ქვეყნებში.
წყვილი გზაში გასული წლის მარტიდან იმყოფება. მათ უკან სტოუნის მეუღლე მიჰყვებათ.
"მე ყოველთვის წინ ვარ", - განმარტავს სტოუნი. "პირველ რიგში, დაბრკოლებების გავლა მინდა."
წარმოშობით კანადელმა სტოუნმა მოტოციკლეტის ტარება ისწავლა ლიბერიის ხეივნებში, სადაც ის და მისი ქმარი გრეგ იმ დროს ცხოვრობდნენ, ათ წელზე მეტი ხნის წინ.
მას შემდეგ, რაც მან საბოლოოდ თავი კომფორტულად იგრძნო მოტოციკლზე, რვა წლის დაქორწინებულმა წყვილმა ერთად წამოიწყო რვათვიანი მოგზაურობა ჩრდილოეთ ამერიკიდან სამხრეთ ამერიკაში. დაბრუნებიდან რამდენიმე წლის შემდეგ ისინი გვატემალაში გადავიდნენ და მათ ცხოვრებაში მოქსი გამოჩნდა.
მიუხედავად იმისა, რომ სტოუნმა და მისმა ქმარმა გადაწყვიტეს, რომ მოქსი თავიანთ მოგზაურობებში ჩაერთოთ, ის განმარტავს, რომ მას "არ სურდა ჰქონოდა ეტლი, ან მისაბმელი ან რაიმე, რაც მართვის დინამიკას შეცვლიდა".
ისინი სწრაფად შეუდგნენ ტრანსპორტის შემუშავებას, რაც მოგვიანებით K9 Moto Cockpit, ძაღლების გადამზიდავი მოტოციკლი გახდა, რომელსაც ისინი გვატემალაში აწარმოებენ.
ამ მოგზაურობაში მოქსის წაყვანის შესაძლებლობამ ის კიდევ უფრო განსაკუთრებული გახადა სტოუნისთვის.
"მე მას (მოქსის) ჩემს სარკეში ყოველთვის ვხედავ. მისი თავი პირდაპირ ჩემს მხარესაა. ძალიან ბედნიერად ვგრძნობ თავს. ის ყოველთვის ხედავს და გრძნობს ახალ სანახაობებს, ხმებს და სუნს."
გამგზავრებამდე სტოუნმა რამდენიმე კერძო გამავლობის ტრენინგზე დარეგისტრირდა, რათა დარწმუნებული ყოფილიყო, რომ მას გააჩნდა საჭირო უნარები მარშრუტის ზოგიერთ რთულ მონაკვეთზე ნავიგაციისთვის.
საბედნიეროდ, მათ მოახერხეს ინციდენტის გარეშე სიარული, მაგრამ სტოუნი ამბობს, რომ მას ხშირად აწუხებს ფიქრები, რომ რამე არასწორად ხდება მოგზაურობის დროს.
"ჩემი ყველაზე დიდი შიში არის ის, რომ ვერ გავაგრძელებ ტარებას და მოტოციკლს რაიმე დაემართება უგზო მონაკვეთებზე," - ამბობს ის. "საბედნიეროდ, მსგავსი არაფერი მომხდარა".
მიუხედავად იმისა, რომ სტოუნი ხაზს უსვამს, რომ მისი უნარები მუდმივად ვითარდება, ეს ხელს არ უშლის მას რეგულარულად ეჭვი შეეპაროს საკუთარ თავში.
ამჟამად ლოს-ანჯელესში სტოუნი ემზადება მოგზაურობის შემდეგი ეტაპისთვის, რომელიც მოიცავს გადაკვეთას ბახაში, მექსიკაში, რასაც მოჰყვება მოგზაურობა გვატემალაში და შემდეგ ჰონდურასში, სალვადორში, კოსტა-რიკასა და პანამაში.
პანამიდან გეგმავენ გაფრენას კოლუმბიაში, საიდანაც არგენტინაში გაფრინდებიან, შემდეგ კი სამხრეთ აფრიკაში.
