ასეთი განცხადება ბუდაპეშტში ორდღიანი ვიზიტით მყოფმა შეერთებული შტატების ვიცე-პრეზიდენტმა, ჯეი დი ვენსმა, უნგრეთის პრემიერ-მინისტრთან ორბანთან ერთობლივ პრესკონფერენციაზე გააკეთა.
უკრაინაში ომთან დაკავშირებით მათ პოზიციასთან კითხვაზე უნგრეთის პრემიერ-მინისტრმა, ვიქტორ ორბანმა, ვიქტორ ორბანმა თქვა, რომ ომი საშინელებაა და როდესაც ამერიკელი და უნგრელი პოლიტიკოსები ხვდებიან ერთმანეთს, მათ არ შეუძლიათ არ ისაუბრონ ამაზე. პრემიერ-მინისტრმა ასევე აღნიშნა, რომ ბევრი უნგრელი ცხოვრობს უკრაინაში და ომისგან იტანჯება.
მისი თქმით, უნგრეთში მიმდინარე საარჩევნო კამპანიის გამო ნაკლები ყურადღება ექცევა ევროპისგან უკრაინის მხარდაჭერის სტრატეგიის წარუმატებლობას.
„უცნაური იდეაა სავაჭრო ომის წარმოება ქვეყანასთან, რომელსაც შეუზღუდავი ენერგეტიკული და ნედლეულის რესურსები აქვს“. რუსული ექსპორტის მნიშვნელობა გაიზარდა ახლო აღმოსავლეთში განვითარებული მოვლენების გამო, ამიტომ ბრიუსელში ახლა ნათელია, რომ სანქციები არ მუშაობს, - თქვა ორბანმა.
ის ასევე შეეხო ნავთობსადენ „დრუჟბას“ „ბლოკადას“ და იმედი გამოთქვა, რომ არჩევნების შემდეგ მიწოდება აღდგება, რადგან, როგორც ორბანი ამბობს, უკრაინელებმა ის პოლიტიკური ზეწოლის მიზნით დაბლოკეს.
ჯეი დი ვენსმა აღნიშნა, რომ მან იცოდა ორბანის მიმართ არაერთგზის გამოთქმული მუქარის შესახებ, მაგრამ აღმაშფოთებლად მიიჩნია, ვოლოდიმირ ზელენსკიმ იგივე რომ გააკეთა. ვიცე-პრეზიდენტის თქმით, დიპლომატია აუცილებელია და მან რუსეთ-უკრაინის ომი აბსურდული და არასაჭირო უწოდა.
ჯეი დი ვენსის თქმით, ცხადია, რომ უკრაინის სადაზვერვო სამსახურები ცდილობენ უნგრეთის არჩევნებში ჩარევას და ის იზიარებს ორბანის შეხედულებებს გაზსადენთან დაკავშირებით. მისთვის უცნაურია, რომ სწორედ ის ადამიანები, რომლებმაც ევროპის ენერგეტიკული სისტემა ისე ჩამოაყალიბეს, რომ საბოლოოდ უკრაინა დაასუსტეს, აშშ-ის პრეზიდენტს პრორუსულ პოლიტიკაში ადანაშაულებენ.
