გერმანიის თავდაცვის მინისტრ ბორის პისტორიუსს სურს ბუნდესვერის ოპერატიული მზადყოფნა გააძლიეროს. ამის შესახებ Politico წერს.
პისტორიუსი დარწმუნებულია, რომ გერმანია პოტენციური ომისთვის უნდა მოემზადოს.
"ჩვენ მზად უნდა ვიყოთ 2029 წლამდე ომისთვის. ჩვენ უნდა ვიმოქმედოთ როგორც შემაკავებლებმა, რათა თავიდან ავიცილოთ უარესი," - აღნიშნა მან. "გადაუდებელ სიტუაციებში ჩვენ გვჭირდება ახალგაზრდები და ქალები, რომლებსაც შეუძლიათ დაიცვან ეს ქვეყანა."
ამიტომ, გერმანიის თავდაცვის მინისტრის აზრით, ქვეყანას სჭირდება "სამხედრო სამსახურის ახალი ფორმა," რომელიც "სრულიად ვერ იქნება ვალდებულებისგან თავისუფალი."
მანამდე ნორვეგიის შეიარაღებული ძალების ხელმძღვანელმა, გენერალმა ერიკ კრისტოფერსენმა გამოთქვა რწმენა, რომ ჩრდილოატლანტიკური ალიანსის "შესაძლებლობის ფანჯარა" რუსეთთან შესაძლო დაპირისპირებისთვის მომზადებისთვის ორ-სამ წლამდე შემცირდა.
პოლონეთის პრეზიდენტის, ანჯეი დუდას თქმით, რუსეთს შესაძლოა მალე ისეთი სამხედრო პოტენციალი ჰქონდეს, რომ ნატოზე თავდასხმა უკვე 2026-27 წლებში შეძლოს.
