ფეხბურთში ევროპის ჩემპიონატის უსაფრთხოებას გერმანიის პოლიციასთან ერთად ყველა სხვა მონაწილე ქვეყნის პოლიციელები დაიცავენ

სტადიონებზე სავარაუდოდ 2,7 მილიონი მაყურებელი იქნება, ე.წ. ფანზონებში კი 12 მილიონი. თავისუფალ საზოგადოებაში 100%-იანი უსაფრთხოება არასდროს არ იქნება, მაგრამ ჩვენ ყველაფერს ვაკეთებთ იმისთვის, რომ შედგეს „მშვიდობიანი საფეხბურთო ფესტივალი", - ამბობს ნენსი ფაიზერი.

ევროპის საფეხბურთო ჩემპიონატს უსაფრთხოების უზრუნველყოფის მიზნით,  გერმანიის პოლიცია მჭიდროდ თანამშრომლობს სხვა ქვეყნის, განსაკუთრებით კი საფრანგეთის პოლიციასთან. ჩემპიონატის მიმდინარეობისას უსაფრთხოების დაცვის ღონისძიებებში უცხო ქვეყნების 350 პოლიციელი ჩაერთვება, - წერს შპიგელი.

„ფრანკფურტერ ალგემაინე" აღნიშნავს, რომ ევროპის ჩემპიონატზე უსაფრთხოების დაცვაში ყველა მონაწილე ქვეყნის პოლიციელები ჩაერთვებიან. 

ავსტრიული kleinezeitung-ის ცნობით, საფეხბურთო ჩემპიონატზე  ავსტრიიდან 22 პოლიციელთან ერთად 21 კინოლოგი 16 სამსახურებრივ ძაღლის თანხლებით გაემგზავრება. ჯგუფის ხელმძღვანელი იქნება კატრინ ჰორნი - კლაგენფურტის ქალაქის პოლიციის უფროსის მოადგილე და თავად ფეხბურთელი. 

საქართველოდან, ევროპის საფეხბურთო ჩემპიონატის უსაფრთხოების ღონისძიებებში მონაწილეობას მიიღებს შინაგან საქმეთა სამინისტროს საპატრულო პოლიციის დეპარტამენტის 10 თანამშრომელი.