უეფას ერთა ლიგაზე ბოლოსწინა ტურის მესამე სათამაშო დღის ბოლო ოთხი შეხვედრა დასრულდა
B-1 ჯგუფში ალბანეთმა და ჩეხეთმა 0:0 ითამაშეს და ბოლო ტურის წინ პირველი ადგილის დაკავების შანსს სამი გუნდი ინარჩუნებს.
მატჩის მსვლელობის დროს გაფრთხილებები მიიღეს და საქართველოსთან შეხვედრას გამოტოვებენ ჩეხების ტომაშ სოუჩეკი და ტომას ჩორი
ბოლო ტურში საქართველო ჩეხეთი თამაშობს, უკრაინა კი ალბანეთში. მასპინძლების გამარჯვების შემთხვევაში ჩეხეთი პირველ ადგილს შეინარჩუნებს, ალბანეთი კი მეორეზე გადაინაცვლებს და A ჯგუფში გადასასვლელ პლეი ოფში ითამაშებს. უკრაინა C ჯგუფში დაქვეითდება, საქართველოს კი B ჯგუფში დასარჩენად პლეი ოფში დაწყვილებულ გუნდთან გამარჯვება დასჭირდება. ორივე შეხვედრის ფრედ დამთავრებისას გუნდები ამჟამად არსებულ პოზიციებს შეინარჩუნებენ, საქართველოს ჩეხეთში მინიმალური სხვაობით გამარჯვების შემთხვევაში კი, ალბანეთი მხოლოდ იმ შემთხვევაში გადაგვასწრებს, თუ უკრაინას 4:1-ს ან უფრო დიდი სხვაობით მოუგებს. უკრაინის ალბანეთთან გამარჯვების შემთხვევაში საქართველოს მეორე ადგილის დასაკავებლად ფრე არ ჰყოფნის.
A-3 ჯგუფში გერმანიამ ბოსნია და ჰერცეგოვინა გაანადგურა და პირველი ადგილი გაინაღდა. ერთა ლიგის თასისთვის ბრძოლას მასთან ერთად ნიდერლანდები გააგრძელებს. მან უნგრეთს მოუგო და ბოლო ტურის შეხვედრების სედეგების მიუხედავად მეორე ადგილი გაინაღდა.
გერმანია - ბოსნია და ჰერცეგოვინა 7:0(3:0)
გოლები: 2' ჯამალ მუსიალა 1:0, 23' ტიმ კლეინდისტი 2:0, 37' კაი ჰავერცი 3:0, 50 და 57' ფლორიან ვირცი 4:0 და 5:0, 66' ლეროი სანე 6:0, 79' ტიმ კლაინდისტი 7:0
ნიდერლანდები - უნგრეთი 4:0(2:0)
გოლები: 21' ვაუტ ვეგჰორსტი, თერთმეტმეტრიანიდან 1:0, 45+12' კოდი გაკპო, თერთმეტმეტრიანიდან 2:0, 64' დენზელ დამფრისი 3:0, 86' ტეუნ კუპმეინერსი 4:0
დარჩენილი შეხვედრები:
19 ნოემბერი უნგრეთი - გერმანია
19 ნოემბერი ბოსნია და ჰერცეგოვინა - ნიდერლანდები
C-1 ჯგუფში შვედეთმა სლოვაკეთი დაამარცხა და ლიგის B ჯგუფში დაწინაურება გაინაღდა
შვედეთი - სლოვაკეთი 2:1(1:1)
გოლები: 3' ვიქტორ დიოკერესი 1:0, 19' დავიდ ჰანკო 1:1, 48' ალექსანდერ ისაკი 2:1
გაძევება: 90' მილან შკრინიარი (სლოვაკეთი, მეორე ყვითელი)
დარჩენილი შეხვედრები:
19 ნოემბერი სლოვაკეთი - ესტონეთი
19 ნოემბერი შვედეთი - აზერბაიჯანი
მასალა განახლდება.
