საფრანგეთის ლიგა 1-ში მეთორმეტე ტურის ბოლო შეხვედრა დასრულდა.
საფრანგეთის ლიგა 1-ში მეთორმეტე ტურის ბოლო შეხვედრაში „ლიონს“ ხვიჩა კვარაცხელიას „პარი სენ-ჟერმენი“ სტუმრობდა.
ანგარიში სტუმრებმა გახსნეს,მასპინძლებმა მალევე გაათანაბრეს, მაგრამ იქვე ხვიჩა კვარაცხელიამ ჩემპიონატის მიმდინარე სეზონში გატანილი თავისი პირველი გოლით პარიზელები დააწინაურა.
მეორე ტაიმის დასაწყისში მასპინძლებმა ანგარიში გაათანაბრეს და მხოლოდ 90+5 წუთზე სტუმრებმა შეძლეს გამარჯვების მომტანი გოლის გატანა.
ხვიჩა კვარაცხელია (Flashscore - 8.2) მინდორზე 75-ე წუთამდე იმყოფებოდა.
„ლიონი“ - „პარი სენ-ჟერმენი“ 2:3(1:2)
გოლები: 26' უორენ ზაირე-ემერი 0:1, 30' აფონსო მორეირა 1:1, 33' ხვიჩა კვარაცხელია 1:2, 50' ეინსლი მეიტლანდ-ნილსი 2:2, 90+5' ჟოაუ ნევეში 2:3
