8 აპრილს საპროტესტო აქცია იგეგმება რუსთაველის გამზირზე. მსახიობი და რეჟისორი დათა თავაძე ამბობს, რომ მმართველ გუნდს, "ქართულ ოცნებას" არ აქვს უფლება მივიდეს საკანონმდებლო ორგანოს წინ მდებარე 9 აპრილის მონუმენტთან და პატივი მიაგოს დაღუპულებს და სანთლები აანთოს.
"სწორედ ის ბრძოლის, უკან დაუხევლობის და თავგანწირვის მაგალითი, რომელიც 9 აპრილს ახლავს, არ შეიძლება გარყვნას ამ რეჟიმმა. მაგალითად მონუმენტზე ყვავილების დაწყობის ან სანთლის ანთების ფარსით. ისინი სწორედ 9 აპრილის იდეას დაუპირისპირდნენ. ისინი სწორედ დაუპირისპირდნენ იმ ღირებულებებს, რომლებსაც 9 აპრილს შეწირული ხალხი, გმირები შეეწირნენ და იბრძოდნენ და მათ არ აქვთ უფლება მიუახლოვდნენ 9 აპრილის მონუმენტს. და სწორედ ვინ უნდა იცავდეს მონუმენტს თუ არა სინდისის პატიმრების მშობლები". - განაცხადა დათა თავაძემ მედიასთან.
