მოვუწოდებთ აქციის ორგანიზატორებს და მონაწილე პირებს, პროტესტი გამოხატონ კანონით დადგენილ ფარგლებში, – ამის შესახებ შსს-ს განცხადებაშია ნათქვამი.
უწყებაში აღნიშნავენ, რომ აქციის მონაწილეთა ნაწილმა პიროტექნიკის გამოყენება დაიწყო, მათ შორის პარლამენტის მიმართულებითაც, რაც წარმოადგენს კანონსაწინააღმდეგო ქმედებას.
„საკანონმდებლო ორგანოს მიმდებარე ტერიტორიაზე მიმდინარე აქციასთან დაკავშირებით, საზოგადოებრივი წესრიგის დაცვის მიზნით მობილიზებულები არიან შინაგან საქმეთა სამინისტროს წარმომადგენლები.
აქციის მონაწილეებს სრული შესაძლებლობა აქვთ, საკუთარი პროტესტი გამოხატონ მშვიდ ვითარებაში.
აქციის მონაწილეთა ნაწილმა დაიწყო პიროტექნიკის გამოყენება, მათ შორის პარლამენტის შენობის მიმართულებითაც, რაც „შეკრებებისა და მანიფესტაციების შესახებ“ საქართველოს კანონის მე-11 მუხლის მე-2 პუნქტის თანახმად, წარმოადგენს კანონსაწინააღმდეგო ქმედებას.
მოვუწოდებთ აქციის ორგანიზატორებს და მონაწილე პირებს, პროტესტი გამოხატონ კანონით დადგენილ ფარგლებში. პოლიციის მხრიდან თითოეულ სამართალდარღვევის ფაქტს შესაბამისი კანონიერი რეაგირება მოჰყვება“, – ნათქვამია შსს-ს განცხადებაში.
