"ეს ანგარიში კარგად გამოიყენა რუსეთმა. ეს არის ჩემი პრეტენზია არა ტალიავინის ანგარიშთან, არამედ რუსულ ხელისუფლებასთან” - სალომე სამადაშვილი კოალიცია "ძლიერი საქართველოს" ლიდერმა, სალომე სამადაშვილმა ტალიავინის დასკვნაზე ისაუბრა და განაცხადა, რომ ანგარიში კარგად გამოიყენა რუსეთმა.
სამადაშვილის თქმით, ანგარიში მომზადდა აბსოლუტურად გასაიდუმლოებულად, მათ შორის, ქართულ მხარეს ამ ანგარიშთან დაკავშირებით ჰქონდა არა ერთი პრეტენზია მაშინვე, როდესაც გამოქვეყნდა.
"ანგარიში მომზადდა აბსოლუტურად გასაიდუმლოებულად, მათ შორის, ქართულ მხარეს ამ ანგარიშთან დაკავშირებით ჰქონდა არა ერთი პრეტენზია მაშინვე, როდესაც გამოქვეყნდა. პრეტენზია ამ ანგარიშთან მე იგივე მაქვს, რაც მის ავტორს აქვს დღეს ანგარიშთან, რომ ეს ანგარიში კარგად გამოიყენა რუსეთმა და ეს არის ჩემი პრეტენზია არა ტალიავინის ანგარიშთან, არამედ რუსულ ხელისუფლებასთან“, - აღნიშნა სალომე სამადაშვილმა.
შეგახსენებთ: "რადიო თავისუფლებასთან" ინტერვიუში ჰაიდი ტალიავინი აცხადებს, რომ, 2008 წლის აგვისტოს ომთან დაკავშირებით, მისი მონაწილეობით მომზადებული დასკვნა სწორად იყო ფორმულირებული. "ცხინვალის ინციდენტმა საბაბი მისცა რუსეთის შემოჭრას, რასაც, სხვათა შორის, სამართლებრივი საფუძველი ჰქონდა, რადგან მათ ჰქონდათ უფლება, გაეთავისუფლებინათ საკუთარი მშვიდობისმყოფელები".
