1.8 მილიარდ ევრომდე მზადდება მოლდოვის ევროკავშირში გაწევრიანებისთვის მოსამზადებლად, ამავდროულად, საქართველოში ზოგიერთი შეშფოთებას გამოთქვამს, რომ „დიფ სთეითმა“, შესაძლოა, ევროკავშირი „გაანადგუროს“, – ამის შესახებ საქართველოში გერმანის ელჩი პეტერ ფიშერი სოციალურ ქსელ X-ში წერს.

„ევროკავშირის მიერ 1.8 მილიარდ ევრომდე მოცულობის დახმარება მზადდება მოლდოვისთვის 2025-2027 წლების პერიოდში ამ ქვეყნის ევროკავშირში გაწევრიანებისთვის მოსამზადებლად. ამავდროულად, საქართველოში ზოგიერთი შეშფოთებას გამოთქვამს, რომ „დიფ სთეითმა“, შესაძლოა, ევროკავშირი „გაანადგუროს“. როგორც ევროკავშირის მოქალაქე, მე ამ შეშფოთებას არ ვიზიარებ“, – წერს პეტერ ფიშერი.