პარლამენტის უკანა შესასვლელის მიმდებარედ მიმდინარე საპროტესტო აქციაზე ლაზარე გრიგორიადისის მამა, ბექა გრიგორიადისი დააკავეს.
ამის შესახებ სამოქალაქო აქტივისტის, ნატა ფერაძის პირდაპირი ეთერიდან ხდება ცნობილი.
მისი დაკავების მიზეზი ჯერჯერობით უცნობია.
პარლამენტის უკანა შესასვლელთან საპროტესტო აქცია დღეს მთელი დღის განმავლობაში მიმდინარეობს. აქციის მონაწილეები "ქართული ოცნების" კიდევ ერთ რუსულ კანონს აპროტესტებენ, რომლის დამტკიცებასაც მმართველი პარტია დღეს სამი მოსმენით აპირებს.
აქციის ორგანიზატორები ამბობენ, რომ "შეკრებისა და მანიფესტაციის შესახებ" კანონში შესატანი ცვლილებები პირდაპირ ნიშნავს, რომ "ოცნება" ქვეყანაში დიქტატურის დამყარებას აპირებს.
