„როდესაც საუბარია სტრატეგიულ პარტიონორობაზე, ჩვენი ქვეყნის მოსახლეობა იმსახურებს იმას, რომ ჰქონდეთ უფრო მეტი ინფორმაცია მსგავს საკითხებზე“, - ამის შესახებ დედაქალაქის მერმა, კახა კალაძემ მედიასთან ოთარ ფარცხალაძის დასანქცირების საკითხზე კომენტირებისას ისაუბრა.
მისი თქმით, აშშ-ს სახელმწიფო დეპარტამენტის მიერ საქართველოს ყოფილი მთავარი პროკურორისთვის დაწესებულ სანქციებთან დაკავშირებით ქართული მხარის თხოვნაა, უფრო მეტი ინფორმაცია იყოს მოწოდებული.
„პირველი შემთხვევაა, როდესაც საქართველოს მოქალაქე ასეთი სანქციებით დასანქცირდა. გვახსოვს მოსამართლეებთან დაკავშირებით რაც მოხდა და მათ ვიზების შეზღუდვა დაუწესეს. მაშინაც და ახლაც, ჩვენი თხოვნაა, რომ უფრო მეტი ინფორმაცია იყოს წარმოდგენილი საზოგადოების ინფორმირებისთვის. როდესაც საუბარია სტრატეგიულ პარტიორობაზე, ჩვენი ქვეყნის მოსახლეობა იმსახურებს იმას, რომ მათ ჰქონდეთ უფრო მეტი ინფორმაცია მსგავს საკითხებზე“, - აღნიშნა თბილისის მერმა.
შეგახსენებთ, აშშ-ის ხაზინის დეპარტამენტმა საქართველოს ყოფილი მთავარი პროკურორი ოთარ ფარცხალაძე დაასანქცირა
ოთარ ფარცხალაძე კი აცხადებს, ჩემ წინააღმდეგ დაწესებული სანქციები კონკრეტული ადამიანების ინსპირირებულია და ამ ათწლიანი დისკრედიტაციის კამპანიის დაგვირგვინებაა
ეროვნული ბანკის გადაწყვეტილებით, სანქცირებულ პირს, ოთარ ფარცხალაძეს ეზღუდება, როგორც სახსრების განკარგვა, ისე ყველა სახის ფინანსური ოპერაციის განხორციელების შესაძლებლობა
ცნობისთვის, ოთარ ფარცხალაძე იყო საქართველოს მთავარი პროკურორი 2013 წლის 7 ნოემბრიდან 30 დეკემბრამდე
