ნიკა გვარამიას და ნიკა მელიას შიდა კინკლაობა არავისთვის საინტერესო არ არის, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.
მისი თქმით, როდესაც ერთ თუ ორპროცენტიანი პარტიის ორი ლიდერი ერთმანეთში ვერ იყოფს პრემიერის თანამდებობას, ეს არის ღიმილის მომგვრელი.
„მათი საქმეა ეს ყველაფერი. ყველამ იცის, რომ ამ პოლიტიკურ სუბიექტს ბარიერის გადალახვის შანსი არ აქვს. შესაბამისად, მათი შიდა კინკლაობა მე მგონი, არავისთვის არ არის საინტერესო“, – განაცხადა ირაკლი კობახიძემ.
