„სირცხვილია“ - ლიბერალურ ფაშისტული ორგანიზაცია, ნაცმოძრაობის ახალგაზრდული დანაყოფი, „ფრანკლინის კლუბი“ - ეს ლიბერალურ-ფაშისტური ორგანიზაციები იმართება თქვენი მხრიდან და თქვენ აქეზებთ ამ ადამიანებს ძალადობისკენ - განაცხადა „ქართული ოცნების“ თავმჯდომარე ირაკლი კობახიძემ პარლამენტის პლენარულ სხდომაზე, შინაგან საქმეთა მინისტრის ვახტანგ გომელაურის ინტერპელაციის წესით გამოსვლის შემდეგ.
„მოძალადეები, რომლებიც კონკრეტულად ჩადიოდნენ დანაშაულს, თავისთავად არიან დანაშაულის ჩამდენი პირები, მაგრამ ასევე არიან თქვენი - კოლექტიური ნაცმოძრაობის მსხვერპლი. მე შეგახსენებთ „სირცხვილია“ - ლიბერალურ ფაშისტული ორგანიზაცია, ნაცმოძრაობის ახალგაზრდული დანაყოფი, „ფრანკლინის კლუბი“ - ეს ლიბერალურ-ფაშისტური ორგანიზაციები იმართება თქვენი მხრიდან და თქვენ აქეზებთ ამ ადამიანებს ძალადობისკენ, შესაბამისად, დიდწილად ეს ადამიანები, რომლებიც მონაწილეობდნენ ძალადობაში 7-8 მარტს, არიან თქვენი - კოლექტიური ნაცმოძრაობის მსხვერპლი“ - განაცხადა ირაკლი კობახიძემ.
