ანაკლიასთან დაკავშირებით ძალიან მარტივადაა საქმე, ყველანაირი პირობა შევუქმენით ჩვენ კონსორციუმს – ხაზარაძე-ჯაფარიძეს იმისათვის, რომ მათ წარმატებით განეხორციელებინათ პროექტი, მოეზიდათ ინვესტორები, თუმცა ვერ მოიზიდეს ვერცერთი ინვესტორი, – ამის შესახებ პრემიერ-მინისტრმა, ირაკლი კობახიძემ ჟურნალისტებს განუცხადა.
მისივე თქმით, საერთაშორისო არბიტრაჟმა არაერთგზის დაადასტურა, რომ მათი პრეტენზიები იყო სრულიად უსაფუძვლო და პოლიტიკურად მოტივირებული.
„ანაკლიასთან დაკავშირებით ძალიან მარტივადაა საქმე, ყველანაირი პირობა შევუქმენით ჩვენ კონსორციუმს, ხაზარაძე-ჯაფარიძეს იმისათვის, რომ მათ წარმატებით განეხორციელებინათ პროექტი, მოეზიდათ ინვესტორები, თუმცა ვერ მოიზიდეს ვერცერთი ინვესტორი. კონსტიტუციაშიც კი ჩავწერეთ დათქმა ანაკლიასთან დაკავშირებით, რომ გაგვეადვილებინა მათთვის ინვესტორების მოზიდვა, თუმცა ვერ მოიზიდეს ვერცერთი ინვესტორი და, საბოლოო ჯამში, საერთაშორისო არბიტრაჟმა უკვე არაერთგზის დაადასტურა, რომ მათი პრეტენზიები იყო სრულიად უსაფუძვლო, პოლიტიკურად მოტივირებული, ჩვენი პოზიციები კი იყო სწორი, ეს არაერთხელ დაადასტურა საერთაშორისო არბიტრაჟმა“, – განაცხადა პრემიერმა.
