მე ყოველთვის ვამბობდი, რომ მსურს შევქმნა უმრავლესობა ძლიერი ევროპისთვის, - ამის შესახებ ევროკომისიის მოქმედმა პრეზიდენტმა, ბრიუსელში ევროპარლამენტის წინასწარი შედეგების გამოქვეყნების შემდეგ ურსულა ფონ დერ ლაიენმა განაცხადა.
მისი თქმით, რომ ბოლო კვირების განმავლობაში მან აწარმოვა აქტიური საარჩევნო კამპანია: ჩავიდა ევროპის 17 ქვეყანასა და 30-ზე მეტ ქალაქში, რათა გაერკვია, რა აღელვებს ხალხს. ყველგან, ფონ დერ ლაიენის თქმით, მან გაიგო, რომ მოქალაქეები ნამდვილად აფასებენ ევროკავშირს და მის მიმართ ნდობით არიან განწყობილი.
„ჩვენ შეიძლება განვსხვავდებოდეთ ცალკეულ საკითხებში, მაგრამ ჩვენ ყველას გვაინტერესებს სტაბილურობა და ყველას გვსურს ძლიერი და ეფექტური ევროპა“,- განაცხადა ურსულა ფონ დერ ლაიენმა.
ფონ დერ ლაიენმა აღნიშნა, რომ მთელი კამპანიის განმავლობაში იგი ბევრს მუშაობდა პროევროპული ძალების პოლიტიკური უმრავლესობის ჩამოყალიბებისთვის.
”მე ყოველთვის ვამბობდი, რომ მსურს შევქმნა უმრავლესობა ძლიერი და ეფექტური ევროპისთვის, ჩემი პირველი მანდატის დროს ვაჩვენე, რისი მიღწევა შეუძლია ძლიერ ევროპას, ჩემი მიზანია გავაგრძელო ეს გზა იმ ძალებთან ერთად, რომლებიც არიან პროევროპული, პროუკრაინული, კანონის უზენაესობის მომხრე. უკვე ხვალიდან ეს სამუშაო დღე ისევ დაიწყება. მე დარწმუნებული ვარ ახალი მანდატის მოპოვებაში, მაგრამ, რა თქმა უნდა, ვიცი, რომ ჯერ კიდევ ბევრი შრომა მელოდება წინ“, - განაცხადა ფონ დერ ლაიენმა.
