ამის შესახებ ინფორმაციას სააგენტო „გარდიანი“ ავრცელებს.
თეთრმა სახლმა დაადასტურა, რომ აშშ-ის ინიციატივის ფარგლებში რუსეთი დათანხმდა უკრაინაში ცეცხლის შეწყვეტის შეზღუდვას. კერძოდ კი უკრაინის ენერგეტიკულ ინფრასტრუქტურაზე თავდასხმების შეწყვეტას.
დონალდ ტრამპის ვლადიმერ პუტინთან სატელეფონო საუბრის შემდეგ გავრცელებულ განცხადებაში, თეთრმა სახლმა განაცხადა, რომ მხარეები შეთანხმდნენ „ტექნიკური მოლაპარაკებების“ გამართვაზე ზღვაზე ცეცხლის შეწყვეტის, ასევე ცეცხლის სრული შეწყვეტისა და მუდმივი მშვიდობის შესახებ.
„ეს მოლაპარაკებები დაუყოვნებლივ დაიწყება ახლო აღმოსავლეთში“, - ნათქვამია თეთრი სახლის განცხადებაში.
ტრამპი და პუტინი ასევე შეთანხმდნენ, რომ აშშ-სა და რუსეთს შორის გაუმჯობესებული ორმხრივი ურთიერთობების მქონე მომავალს უზარმაზარი პოტენციალი აქვს, „უზარმაზარი ეკონომიკური გარიგებებითა და გეოპოლიტიკური სტაბილურობით“.
