საფრანგეთში არსებული ექსტრემალური სიცხეების ფონზე, ჰაერის ტემპერატურამ ქვეყნის მასშტაბით 44°C-ს გადააჭარბა. მაღალი ტემპერატურის გამო, ბოლო მონაცემებით, 18 ადამიანი დაიღუპა.
სინოპტიკოსების განცხადებით, ქვეყნის ბევრ რეგიონში დაფიქსირდა ისტორიული მაქსიმუმი, რამაც მოსახლეობის, განსაკუთრებით კი მოხუცებისა და ქრონიკული დაავადებების მქონე პირების ჯანმრთელობის მდგომარეობა მნიშვნელოვნად გააუარესა.
ჰაერის ტემპერატურამ 44 გრადუსიანი ნიშნული გადალახა, რაც ზაფხულის ამ პერიოდისთვის კრიტიკულად მაღალია.
ხელისუფლებამ მოსახლეობას მოუწოდა, მაქსიმალურად შეიკავონ თავი შუადღის საათებში გარეთ გასვლისგან, დალიონ დიდი რაოდენობით წყალი და მიმართონ სამედიცინო დაწესებულებებს ჯანმრთელობის გაუარესების პირველივე ნიშნების შემთხვევაში.
ქვეყნის მასშტაბით მობილიზებულია სამაშველო და სამედიცინო ბრიგადები. გაძლიერებულია მონიტორინგი მოხუცთა თავშესაფრებსა და სოციალურად დაუცველ ოჯახებში.
მეტეოროლოგები აცხადებენ, რომ ანომალიური სიცხეები ევროპის კონტინენტზე კლიმატური ცვლილებების გამოხატულებაა და მსგავსი მოვლენები მომავალში, შესაძლოა, უფრო ხშირი და ინტენსიური გახდეს.
