რუსეთის ფედერაციის მოქალაქეებისადმი დღევანდელ მიმართვის პრეზიდენტმა პუტინმა ამ დღეებში მომხდარ ამბოხზე ისაუბრა
პუტინმა მადლობა გადაუხადა რუსეთის მოქალაქეებს მოთმინებისთვის, სოლიდარობისთვის და პატრიოტიზმისთვის.
ამ სამოქალაქო სოლიდარობამ აჩვენა, რომ ნებისმიერი შანტაჟი, შიდა არეულობის შექმნის მცდელობა განწირულია მარცხისთვის, - აღნიშნა პუტინმა.
შეიარაღებული აჯანყება ნებისმიერ შემთხვევაში ჩახშობილი იქნებოდა. აჯანყების ორგანიზატორებმა, მიუხედავად ადეკვატურობის დაკარგვისა, არ შეიძლებოდა ვერ გაეგოთ ეს. მათ ესმოდათ ყველაფერი, მათ შორის, რომ წავიდნენ კრიმინალურ ქმედებებზე, გახლეჩვაზე და დასუსტებისა ქვეყნისა, რომელიც ახლა იმყოფება კოლოსალურ გარე საფრთხის, გარედან უპრეცედენტო ზეწოლის ქვეშაა და როდესაც ფრონტზე სიტყვებით, "არც ერთი ნაბიჯი უკან!", ჩვენი ამხანაგები კვდებიან.
აჯანყების ორგანიზატორებმა, უღალატეს რა თავიანთ ქვეყანას და ხალხის, უღალატეს მათაც, ვინც ჩაითრიეს დანაშაულში. ატყუებდნენ მათ, უბიძგებდნენ სიკვდილისკენ, ცეცხლში შესვლისკენ, თავისიანებზე სროლისკენ.
სწორედ ეს შედეგი - ძმათამკვლელობა - სურდათ რუსეთის მტრებს: ნეონაცისტებსაც კიევში, მათ დასავლელ მფარველებსაც და ყველა ჯურის ნაციონალ-მოღალატეებსაც მათ სურდათ, რომ რუს ჯარისკაცებს ერთმანეთი მოეკლათ, მოეკლათ სამხედრო პერსონალი და მშვიდობიანი მოსახლეობა, რათა საბოლოოდ ჯამში რუსეთს წაეგო, ხოლო ჩვენი საზოგადოება გახლეჩილიყო და ჩამხრჩვალიყო სისხლიან სამოქალაქო დაპირისპირებაში.
ისინი ხელებს იფშვნეტდნენ, ფრონტზე და ეგრეთ წოდებული კონტრშეტევის მსვლელობის დროს წარუმატებლობისთვის რევანშია აღებაზე ოცნებობდნენ, მაგრამ არასწორად გამოთვალეს.
პუტინმა მადლობას გადაუხადა სამხედრო პერსონალს, სამართალდამცველებს, სპეცსამსახურებს, რომლებიც აჯანყებულებს წინ აღუდგნენ, დარჩნენ თავიანთი მოვალეობის, ფიცისა და ხალხის ერთგული. მისი თქმით, დაღუპული გმირი მფრინავების გამბედაობამ და თავგანწირვამ იხსნა რუსეთი ტრაგიკული დამანგრეველი შედეგებისგან.
„ვაგნერის" მებრძოლთა და მეთაურთა დიდი უმრავლესობა ასევე რუსი პატრიოტები არიან, თავიანთი ხალხისა და სახელმწიფოს თავდადებული. მათ ეს თავიანთი სიმამაცით დაამტკიცეს ბრძოლის ველზე, გაათავისუფლეს დონბასი და ნოვოროსია. ცდილობდნენ ბრმად გამოეყენებინათ ისინი იმ თანამოძმეების წინააღმდეგ, რომლებთან ერთადაც იბრძოდნენ ქვეყნისა და მისი მომავლისთვის.
ამიტომ, მოვლენების დაწყებისთანავე, ჩემი უშუალო დავალებით, გადაიდგა ნაბიჯები, რათა თავიდან აგვეცილებინა დიდი სისხლის ღვრა. ამას დრო დასჭირდა, მათ შორის იმისთვის, რომ ისინი, ვინც შეცდომა დაუშვა, კიდევ ერთხელ დაფიქრებულიყვნენ და გაეგოთ, რომ მათი ქმედებები მტკიცედაა უარყოფილი საზოგადოების მიერ და ავანტიურას, რომელშიც ისინი ჩაითრიეს, როგორი ტრაგიკული, დამანგრეველი შედეგები მოჰყვება რუსეთისთვის, ჩვენი სახელმწიფოსთვის.
პუტინმა მადლობა გადაუხადა „ვაგნერის" დაჯგუფების იმ ჯარისკაცებს და მეთაურებს, რომლებმაც მიიღეს ერთადერთი სწორი გადაწყვეტილება და არ წავიდნენ ძმათამკვლელ სისხლის ღვრაზე, შეჩერდნენ ბოლო მიჯნაზე.
დღეს თქვენ გაქვთ შესაძლებლობა გააგრძელოთ რუსეთის მსახურება თავდაცვის სამინისტროსთან ან სხვა სამართალდამცავ ორგანოებთან ხელშეკრულების გაფორმებით, ან დაუბრუნდეთ თქვენს ოჯახს და მეგობრებს. ვისაც უნდა, შეუძლია ბელორუსიაში წასვლა. ჩემი დაპირება შესრულდება. ვიმეორებ, არჩევანი თქვენზეა, მაგრამ დარწმუნებული ვარ, ეს იქნება არჩევანი რუსი ჯარისკაცების, რომლებმაც გააცნობიერეს თავიანთი ტრაგიკული შეცდომა.
რუსეთის პრეზიდენტმა მიმართვის ბოლოს თქვა, რომ ბელორუსის პრეზიდენტის ალექსანდრე გრიგორის ძე ლუკაშენკოს მადლიერია მისი ძალისხმევისათვის და სიტუაციის მშვიდობიანი მოგვარების საქმეში შეტანილი წვლილისთვის და კიდევ ერთხელ გაიმეორა, რომ გადამწყვეტი როლი ითამაშა მოქალაქეების პატრიოტულმა სულისკვეთებამ და მთელი რუსული საზოგადოების კონსოლიდაციამ.
ამ თანადგომამ საშუალება მოგვცა ერთად გადაგვეტანა სამშობლოსთვის ურთულესი განსაცდელები, - თქვა რუსეთის პრეზიდენტმა.
