მოლდოვის დედაქალაქ კიშინიოვში ანტისამთავრობო აქცია გაიმართა.
დემონსტრაციის ორგანიზატორი იყო „მოძრაობა ხალხისთვის“, რომელშიც გაერთიანებული არიან აქტივისტები და პოლიტიკოსები პარტია „შორიდან“.
მიტინგის მონაწილეები პარლამენტის შენობასთან შეიკრიბნენ. აქციის მონაწილეები პრეზიდენტის გადადგომასა და რიგგარეშე საპარლამენტო არჩევნების ჩატარებას ითხოვდნენ. დემონსტრაციის მონაწილეებს კიშინიოვში ცენტრალური ავტომაგისტრალის ნაწილი დროებით გადაკეტილი ჰქონდათ.
პოლიციის ცნობით, დაკავებულია 27 ადამიანი, რომლებიც პოლიციის განყოფილებაში დოკუმენტების შემოწმების მიზნით გადაიყვანეს. ამასთან, როგორც მედია წერს, დაკავებულების ნაწილს აალებადი ნივთიერებები აღმოაჩნდა, რომელთა საშუალებითაც ისინი სხვადასხვა ობიექტისთვის ცეცხლის წაკიდებას აპირებდნენ.
