აშშ-ის სახელმწიფო მდივანი მარკო რუბიო აცხადებს, რომ აშშ-ის საერთაშორისო დახმარების სააგენტოს, USAID-ის დახურვას ზედამხედველობას თეთრი სახლის საბიუჯეტო განყოფილების ხელმძღვანელი რასელ ვოუთი გაუწევს. ამის შესახებ რუბიომ სოციალურ ქსელ X-ში დაწერა.
„პრეზიდენტთან ვიხუმრე, რომ ოთხი სამსახური მაქვს. მან მითხრა, რომ ერთი ჩემი მეგობრისთვის, რუს ვოუთისთვის გადამეცა. მე ასეც მოვიქეცი. იანვრიდან ჩვენ გადასახადის გადამხდელების ათობით მილიარდი დოლარი დავზოგეთ. ძირითადი პროგრამების მცირე რაოდენობით სახელმწიფო დეპარტამენტში გადასვლით, USAID-ი ოფიციალურად დახურვის რეჟიმშია. რასი ახლა ხელმძღვანელობს იმ სააგენტოს დახურვის ზედამხედველობას, რომელიც დიდი ხანია, გზიდან გადავიდა. გილოცავ, რას“, – დაწერა რუბიომ.
