NBC News-თან ინტერვიუში რუსეთის საგარეო საქმეთა მინისტრმა, სერგეი ლავროვმა განაცხადა, რომ რუსეთსა და უკრაინას შორის სამშვიდობო შეთანხმებაზე ხელის მოსაწერად უკრაინის პრეზიდენტს, ვოლოდიმირ ზელენსკის ლეგიტიმაცია არ გააჩნია.
"ლეგიტიმურობა კიდევ ერთი საკითხია, რადგან მიუხედავად იმისა, თუ როდის გაიმართება ეს შეხვედრა - და ეს კარგად უნდა მომზადდეს - უკრაინის მხრიდან შეთანხმებაზე ხელმომწერი პირის საკითხი, ძალიან სერიოზული. როცა დოკუმენტებზე ხელმოწერის ეტაპამდე მივაღწევთ, ჩვენ ყველასგან დაგვჭირდება მკაფიო გაგება იმის, რომ ხელმომწერი პირი ლეგიტიმური იყოს და უკრაინის კონსტიტუციის მიხედვით, ბატონი ზელენსკი ამ დროისთვის არ არის," - თქვა ლავროვმა 22 აგვისტოს ჩაწერილ ინტერვიუში.
ლავროვის თქმით, კრემლის გადმოსახედიდან, ზელენსკი "რეჟიმის დე ფაქტო მეთაურია," მაგრამ არა - უკრაინის ლეგიტიმური ლიდერი.
