დონალდ ტრამპი მკვლელობის მცდელობის შემდეგაც გააგრძელებს პოლიტიკურ ბრძოლას და დაიცავს შეერთებული შტატების ინტერესებს, - ამის შესახებ ამერიკის ყოფილი პრეზიდენტის ვაჟმა, დონალდ ტრამპ უმცროსმა სოციალურ ქსელ X-ში დაწერა.
"ის არასოდეს შეწყვეტს ბრძოლას ამერიკის გადასარჩენად", - დაწერა დონალდ ტრამპ უმცროსმა.
ცნობისთვის, დონალდ ტრამპი პენსილვანიის შტატში მხარდამჭერებთან შეხვედრის დროს მომხდარი სროლის შედეგად დაშავდა. შეხვედრის ერთ-ერთი მონაწილე დაიღუპა, ორი მონაწილე კი - მძიმედ დაშავდა. დაღუპულია თავად შეიარაღებული პირიც, რომელიც აშშ-ის საიდუმლო სამსახურის თანამშრომლებმა გაანეიტრალეს. აშშ-ის ფედერალური გამოძიების ბიურომ (FBI-მ) ყოფილი პრეზიდენტის, დონალდ ტრამპის მკვლელობის მცდელობაში მონაწილე პირის იდენტიფიცირება მოახდინა და განაცხადა, რომ ის 20 წლის თომას მეთიუ კრუკსია.
