ისრაელი ტერორიზმს არ შეეგუება, არ დავნებდებით, ვიდრე ყველა ჩვენს მძევალს სახლში არ დავაბრუნებთ, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.
„ისრაელი ტერორიზმს არ დანებდება და გაბედულად იმოქმედებს, რათა ჩვენი მძევლები სახლში დააბრუნოს. ასე გავაგრძელებთ მომავალშიც. არ დავნებდებით, ვიდრე არ დავასრულებთ მისიას და არ დავაბრუნებთ ყველა მძევალს სახლში“, – აღნიშნა ნეთანიაჰუმ.
ნეთანიაჰუმ უსაფრთხოების ძალებს მძევლების გასათავისუფლებლად ღაზაში ჩატარებული ოპერაციისთვის მადლობა გადაუხადა.
