აშშ ყარაბაღის მოსახლეობის ჰუმანიტარული საჭიროებების დასაკმაყოფილებლად $11,5 მილიონს გამოყოფს,– ამის შესახებ შეერთებული შტატების საერთაშორისო განვითარების სააგენტოს ხელმძღვანელმა სამანტა პაუერმა განაცხადა.
მთიან ყარაბაღს სომხები მასობრივად ტოვებენ. ოფიციალური ერევნის ინფორმაციით, რეგიონიდან სომხეთის ტერიტორიაზე უკვე 13 500-ზე მეტი ადამიანი შევიდა.
„26 სექტემბერს 8:00 საათის მდგომარეობით, სომხეთის რესპუბლიკაში მთიანი ყარაბაღიდან 13 550 იძულებით გადაადგილებული პირი შემოვიდა“, - ნათქვამია სომხეთის მთავრობის განცხადებაში.
მისი ცნობით, მთავრობა ყველა მოქალაქეს, ვისაც წინასწარ განსაზღვრული საცხოვრებელი ადგილი არ აქვს, შესაბამისი საცხოვრებლით უზრუნველყოფს.
