პოლონეთის საგარეო საქმეთა მინისტრმა რადოსლავ სიკორსკიმ მკაცრად დაგმო რუსეთის მიერ უკრაინის დასავლეთ რეგიონებზე, პოლონეთის საზღვრის სიახლოვეს მიტანილი ბოლო სარაკეტო და დრონებით იერიშები და მათ "ვითარების სერიოზული ესკალაცია" უწოდა.
მინისტრ რადოსლავ სიკორსკის განცხადებით, ინფრასტრუქტურის განზრახ დაბომბვა პოლონეთის საზღვართან ძალიან მცირე მანძილზე აჩვენებს, რომ მოსკოვი არ ერიდება რეგიონული უსაფრთხოების საფრთხეში ჩაგდებას.
როგორც ვარშავაში აღნიშნავენ, NATO-ს საზღვრებთან ახლოს განხორციელებული თავდასხმები მოითხოვს ალიანსის მხრიდან პასუხისმგებელ და მტკიცე ნაბიჯებს.
საზღვრის სიახლოვეს მომხდარი ინციდენტების ფონზე, პოლონეთისა და მოკავშირეების სამხედრო ავიაცია მუდმივ მზადყოფნაშია საჰაერო სივრცის დასაცავად.
"ჩვენ ვხედავთ ვითარების მიზანმიმართულ ესკალაციას, რომელიც პირდაპირ საფრთხეს უქმნის არა მხოლოდ უკრაინას, არამედ მთელი რეგიონის სტაბილურობას. პოლონეთი და მისი მოკავშირეები აგრძელებენ სიტუაციის მკაცრ მონიტორინგს და მზად არიან, დაიცვან საკუთარი ტერიტორია", — განაცხადა პოლონეთის საგარეო უწყების ხელმძღვანელმა.
