ბუდაპეშტში, ფარიკაობაში მსოფლიო თასის ტურნირზე, სანდრო ბაზაძე ბრინჯაოს მედლის მფლობელი გახდა
1615666720
უნგრეთის დედაქალაქ ბუდაპეშტში მოფარიკავეეები მსოფლიო თასზე ასპარეზობენ
ბუდაპეშტი, მოფარიკავეთა მსოფლიო თასზე, ქართველმა მოფარიკავე სანდრო ბაზაძემ ბრინჯაოს მედალი მოიპოვა.
სანდრო ბაზაძე ასპარეზობაში ოცდამეთორმეტედფინალიდან ჩაება, პოლონელი მატეუშ კნეზი 15:8 დაამარცხა და მეთექვსმეტედფინალში გავიდა, სადაც რუს ანატოლი კოსტენსკოს 15:10 სძლია და მერვედფინალში კიდევ ერთ რუსს, ვენიამინ რეშეტნიკოვს დაუპირისპირდა. ბაზაძემ მეტოქე 15:11 დაამარცხა და რვა საუკეთესოს შორის მოხვდა.
მეოთხედფინალში სანდრო ბაზაძემ იტალიელი ენრიკო ბერე დაამარცხა -15:12, ფინალში გასასვლელი შეხვედრა კი მასპინძელთან, ორგზის ოლიმპიურ ჩემპიონ არონ ჟილაგისთან დათმო - 5:16 და გერმანელ მატიას საბოსთან ერთად ბრინჯაოს მედლის მფლობელი გახდა.
მსოფლიო თასისთვის ფინალურ შეხვედრაში უნგრელი მოფარიკავე კორელ სანგოკ ოჰთან დამარცხდა - 14:15