13 წლის ფოთელი მოჭადრაკე ელენე წოწონავა, 20 წლამდე გოგონათა შორის, საქართველოს ჩემპიონი გახდა

ჩემპიონატი თბილისის ნონა გაფრინდაშვილის სახელობის ჭადრაკის სასახლეში ჩატარდა. აღსანიშნავია, რომ ელენე პირველი მოჭადრაკეა, რომელმაც 13 წლის ასაკში, 20 წლამდელთა ეროვნული ჩემპიონატი მოიგო. „ ელენემ ამ გამარჯვებით მსოფლიოს ახალგაზრდული (20 წლის მოჭადრაკეთა შორის) ჩემპიონატის საგზური მოიპოვა, რომელიც 14-26 ოქტომბერს ინდოეთში გაიმართება. წოწონავამ მიღწეული შედეგით 183 პუნქტით გაიუმჯობესა ფიდეს საერთაშორისო რეიტინგი“_ განაცხადა ფოთის საჭადრაკო კლუბ “ნანა”-ს დირექტორმა დავით კოდუამ.